మీకు తెలుసా - మనుషులందరి చర్మం ఒకే రంగంలో ఎందుకు ఉండదు?

 ప్రపంచంలో వేర్వేరు ప్రదేశాలలో ప్రజల యొక్క చర్మం రంగు వేర్వేరు రంగులలో ఉంటుంది. అలాగే ఒక ప్రదేశంలో ఉండే వివిధ రకాల ప్రజల యొక్క చర్మం రంగు కూడా వేర్వేరుగా ఉంటుంది. చర్మం రంగులో భేదాలుఎలా ఏర్పడతాయో తెలుసా?

                       మానవ శరీర చర్మపు రంగు శరీరం లోని వర్ణ సంబంధ పదార్థాల పై ఆధారపడి ఉంటుంది. అవి మెలనిన్ ,కరోటిన్ , హిమోగ్లోబిన్ . మెలనిన్ గోధుమ వర్ణం లో ఉంటుంది. కెరోటిన్ పసుపురంగులో ఉంటుంది. హిమోగ్లోబిన్ ఎరుపు రంగులో ఉంటుంది . ఈ మూడు లేనిచో చర్మం రంగు పాలనురుగులా తెల్లగా ఉంటుంది. పై మూడు పదార్థాలు భిన్న నిష్పత్తులలో ఉన్నప్పుడు వివిధ రకాల చర్మ రంగులు ఏర్పడతాయి. మెలనిన్ ఎక్కువగా ఉన్నపుడు శరీరం రంగు నల్లగా ఉంటుంది . కెరోటిన్ ఎక్కువగా ఉన్నపుడు చర్మం రంగు పసిమి రంగులో ఉంటుంది. ఆల్ట్రావైలట్ కిరణాలు చర్మానికి తాకితే మెలనిన్ ఎక్కువగా ఉత్పత్తి అవుతుంది. అందువలన వేడి ఎక్కువగా ఉండే ప్రాంతాలలో ప్రజల చర్మం రంగు నల్లగా ఉంటుంది . చల్లని ప్రదేశాలలో ఉండే ప్రజలు చర్మం రంగు తెల్లగా ఉంటుంది . ఒకే ప్రాంతంలో ఉండే ప్రజల చర్మం రంగులో కూడా కొద్ది తేడాలుంటాయి.