తెలుగువారి సామెతలు 1 వ భాగం

తెలుగువారి సామెతలు  

1. అంత్య నిష్టూరం కన్నా, ఆది నిష్టూరం మేలు

వివరణ :- 

     ఒక పనిని మొదలు పెట్టేముందు ఆ పని యొక్క లాభ నష్టాలను ముందే ఊహించి సంభదిత వ్యక్తులతో చర్చించ మని చెప్పే సందర్భం లో ఈ సామెతను వాడతారు. 

2. అంబలి తాగే వాడికి మీసాలు ఎత్తేవాడు ఒకడు

వివరణ :- 

      ఒకప్పుడు అన్నం దొరకక అంటే ఎక్కువగా లభ్యం కాక అన్నానికి బదులుగా అంబలి త్రాగేవారు. అంబలి త్రాగడం అంటే చిన్న చూపు . అలా అంబలి త్రాగేవాడికి మీసాలకు ఆ అంబలి అంటకుండా పట్టుకునేవాడు ఉంటాడా ? చేసేది అల్పమైన పని,  దానికి ఇంకొకడు సహాయాన్ని అడిగితే ఈ సామెత వాడతారు. 

      (ఇప్పుడు పోషకాహారం అని అందరూ అంబలి త్రాగుతున్నారు లెండి అది వేరే విషయం.)

3. అడిగే వాడికి చెప్పేవాడు లోకువ 

 వివరణ :-

 

           అర్థంపర్థం లేని విషయాలకు వివరణలు అడిగినప్పుడు  ఈ సామెతను వాడతారు. ఎంత విజ్ఞాన వంతుడైనా అర్దం పర్డం లేని విషయాలకు వివరణ ఇవ్వడలేదు కదా ! 

4 . అత్తలేని కోడలు ఉత్తమురాలు ,కోడలు లేని అత్త గుణవంతరాలు

వివరణ : - ఈ సామెతకు వివరణ అక్కర్లేదనుకుంటా

5 . ఆలూ లేదు చూలు లేదు కొడుకు పేరు సోమలింగం

వివరణ :- 

      ఆలు  అంటే ఇల్లాలు చూలు అంటే గర్భం . భార్య లేకపోతే కొడుకు ఎలా ? 

ప్రయత్నమే లేకుండా ఫలితాలగురించి ఆలోచించే వారి గురించి ఈ సామెత వాడతారు. 

      వెనుకటి కెవడో "ఆలూ లేదు చూలులేదు కొడుకు పేరు సోమలింగం అన్నాడట" అని . 

            శ్రీమతి రంగుముద్రి శ్రీదేవి 

                                     టీచర్ 

                      M E స్కూల్ 

                  చింతాడ వారి వీధి

                     పార్వతీపురం